Тараптар екі негізгі келісімге қол қойды: Өзара түсіністік туралы меморандум (MoU) және Alibaba Cloud Partner Network Program серіктестік бағдарламасы аясындағы риселлерлік қызметтер туралы келісім.
Alibaba Cloud-тың бұлттық және жасанды интеллект (ЖИ) технологияларына, сондай-ақ Freedom Cloud холдингінің еншілес компаниясының аймақтық сараптамасы мен оның ауқымды экожүйесіне сүйене отырып, бұл серіктестік Қазақстанда озық бұлттық инфрақұрылымды өрістету мүмкіндігін зерделеуді және аймақта ЖИ модельдерінің бұлттық қызметтерін ұсынуды қарастырады.
Бұл бастама Орталық Азия нарығы үшін бұлттық және жасанды интеллект шешімдерін жергіліктілендіруді, өңірлік талаптарға сәйкестікті және нарыққа бейімделуді қамтамасыз етеді.
Сонымен қатар, серіктестік Freedom Cloud-ты Alibaba Cloud-тың жаһандық экожүйесіне интеграциялауды көздейді, бұл халықаралық технологиялар мен қызметтерге кеңейтілген қолжетімділікті қамтамасыз етеді.
Осы ынтымақтастықтың күтілетін стратегиялық нәтижесі – Қазақстанда өңірлік жасанды интеллект хабын құру, бұл елдің Орталық Азиядағы цифрлық инфрақұрылымның негізгі орталығы ретіндегі мәртебесін нығайтады.
Біз бұлттық шешімдер негізінде жаңа бағыттарды дамыту және оларды Қазақстанда қолжетімді ету үшін өңірде цифрлық хаб құрып жатырмыз. Alibaba Cloud — цифрлық экономиканың ірі ойыншыларының бірі, сонымен қатар жасанды интеллект пен әлемде енді еніп жатқан қарым-қатынастардың жаңа модельдерін дамытудағы негізгі драйвер», — деді Freedom Cloud Holding зерттеулер және әзірлемелер жөніндегі директоры Баян Қоңырбаев.
Жасанды интеллектінің толықфункционалды сервистері саласындағы әлемдік көшбасшы ретінде, біз аймақтың жергілікті цифрлық трансформациясын қолдайтын сенімді әрі қауіпсіз бұлттық және ЖИ-технологияларды ұсыну үшін Freedom Cloud-пен серіктес болғанымызға қуаныштымыз», — деді Alibaba Cloud Intelligence халықаралық бизнес жөніндегі вице-президенті Эрик Ван.
Freedom Cloud Holding туралы
Freedom Cloud Holding Ltd. (www.fch.kz) — бұлттық қызметтер, спутниктік және телекоммуникациялық байланыс, цифрлық платформалар мен инфрақұрылымдық IT-шешімдер саласындағы компаниялардың басын біріктіретін, B2B сегментіне бағытталған технологиялық холдинг.
Freedom Cloud туралы
Freedom Cloud (www.fcd.kz) — «инфрақұрылым қызмет ретінде» (IaaS) және «платформа қызмет ретінде» (PaaS) модельдері бойынша шешімдердің кең спектрін ұсынатын жергілікті бұлттық провайдер. Сондай-ақ, компания жоғары жүктемелі есептеу қуаттарын, Kubernetes негізіндегі оркестрацияны, объектілік қойманы, бизнес пен мемлекеттік ұйымдарға арналған графикалық процессорлар (GPU) мен жасанды интеллект негізіндегі бұлттық сервистерді дамытумен айналысады.
Alibaba Cloud туралы
Alibaba Cloud (www.alibabacloud.com) — кешенді жасанды интеллект қызметтеріндегі әлемдік көшбасшы, ең озық ЖИ мүмкіндіктерін және әлем бойынша әзірлеушілерге ыңғайлы AI қызметтерін ұсынатын жаһандық ЖИ бұлттық есептеу желісін қамтамасыз етеді.
Qwen (қыт. Tongyi Qianwen) — Alibaba компаниясы әзірлеген жасанды интеллектінің ірі тілдік және мультимодалды модельдер тобы. 2023 жылы таныстырылған салмақтары ашық (open weights) Qwen модельдері бүкіл әлемдегі әзірлеушілерге HuggingFace және ModelScope платформалары арқылы қолжетімді.
БАҚ өкілдеріне арналған байланыс мәліметтері:
Freedom Cloud Holding
Электрондық пошта: [email protected]
Тел: +7 701 400 3393